Богородичное правило (часть 7) (v.2)

Богоро́дице Де́во, ра́дуйся, Благода́тная Мари́е, Госпо́дь с Тобо́ю; благослове́на Ты в жена́х и благослове́н плод чре́ва Твоего́, я́ко Спа́са родила́ еси́ душ на́ших. 

Взбра́нной Воево́де победи́тельная, я́ко изба́вльшеся от злых, благода́рственная воспису́ем Ти раби́ Твои́, Богоро́дице; но я́ко и́мущая держа́ву непобеди́мую, от вся́ких нас бед свобо́ди, да зове́м Ти: ра́дуйся, Неве́сто Неневе́стная.

О Пресвята́я Влады́чице Богоро́дице, изба́ви меня́ от вся́ких напа́стей.

Милосе́рдия две́ри отве́рзи нам, благослове́нная Богоро́дице, наде́ющиися на Тя да не поги́бнем, но да изба́вимся Тобо́ю от бед: Ты бо еси́ спасе́ние ро́да христиа́нскаго.