Богородичное правило (часть 8)

Богоро́дице Де́во, ра́дуйся, Благода́тная Мари́е, Госпо́дь с Тобо́ю; благослове́на Ты в жена́х и благослове́н плод чре́ва Твоего́, я́ко Спа́са родила́ еси́ душ на́ших.

Воздыха́юща мя, Го́споди, приими́ я́ко Ми́лостив, и поми́луй мя я́ко мытаря́, Ма́тере Твоея́ хода́тайством.

О Пресвята́я Влады́чице Богоро́дице, да́руй мне непреста́нное па́мятование о Бо́ге.

Милосе́рдия две́ри отве́рзи нам, благослове́нная Богоро́дице, наде́ющиися на Тя да не поги́бнем, но да изба́вимся Тобо́ю от бед: Ты бо еси́ спасе́ние ро́да христиа́нскаго.