Мыйын таче шочмо кече (v.2)

Мыйын таче —
Шочмо кече!
Кап-кыл мучко
Вÿр модеш.
Мыйым ыштыш
Марий вате,
— Иле,— мане, —
Шер теммеш! —
Таче угыч
У йÿк дене
Тÿҥалам мый
Чот мураш.
Шергылт кайже
Мыйын муро
Тÿня мучко
Йырым-ваш.
Илышна
Пеледме годым,
Мый ом чыте мурыде.
Мыйын кид-йол
Модмо годым
Мый ом чыте куштыде.
Тошто годсо
Неле пагыт
Омешем гына конча.
ÿмыр мучко
Еҥ пашаште
Илыш мыйын сай ачам…
Ачам колыш
ÿмыр лугыч,
Авам кодо тулыкеш.
Кас юл семын
Койын возо
Ужмо ойго шўм-кылеш.
Ачам колыш
ÿмыр лугыч,
Ачам пуштыч сут кашак.
Мый ом мондо
Тидеÿчым, –
Шочын омыл мый окмак.
Илышна
Пеледме годым,
Мый ом чыте мурыде.
Мый ом мондо ужмо
ойгым, —
Ом код ÿчым шуктыде.
Шергылт таче,
Мыйын муро,
Шергыл шого кумдыкеш.
Мыйым ыштыш
Марий вате,
— Иле,— мане,—
Шер теммеш!