Кок пушеҥге ваш шогеныт (v.2)

Олыкышто кушкын тумо,
Кумда оҥжым кадыртен.
А воктенже шоген куэ,
Шке парчажым шаралтен.
Кок пушеҥге ваш шогеныт,
Ӱмыр мучко ӧндалалт.
Икте-весым араленыт,
Мардеж дечын авырал.
Но икана лийын мардеж,
Кумда южшо ден пуал.
Йӧрыктен лывырге куэм,
Келгын вожшо гыч корштал.
Кӱжгӧ тумо пеш ойганен
Таҥже кия лывыжген.
Олык мучко шинчавӱдшӧ
Куэ вожышко йоген.
Эркын куэ вийым налын.
Вожшым мландышке колтен.
Кынелын да ваш шогалын
Тумо воктен эҥертен.